حكى على وقول يازمان

**كمال العطار** الجمعة سبتمبر 30, 2011 3:06 pm

احكى على وقول يازمان

ده انا روحى فدا للاوطان

اهتف اهتف عللى الصوت

ده اللى بيهتف مش هيموت

خانوا الثورة حبسوا الثوار

خلوها ضلمة طفوا الانوار

حموا اليهود وبنوا الاسوار

عطونا وعود ليوم موعود

خانوا العهد خافوا اليهود

قلنا خلاص اخر انذار

وفى اول جمعة هيكون دمار

كسرناه .... حطمناه

احكى على وقول يازمان

ده انا مصرى بلد الشجعان

اهتف اهتف عللى الصوت

ده اللى بيهتف مش هيموت

رسموا الحطة فى الخفاء

نجهض ثورة ونرجعهم سجناء

فاكرينا نسينا ضرب الرصاص

يومها قالوا ده مفيش قصاص

دى كانت رصاصة قتلت صاحبى

ضربت فى قطعت لحمى

عمرى ماهنسى يوم الميدان

يوم الدم والضرب والطغيان

يوم مالزرعة رويتها دماء

طاهرة نازلة من الشهداء

اهتف اهتف عللى الصوت

ده اللى بيهتف مش هيموت

احكى على وقول يازمان

ده انا دمى سال فى الميدان

عملوا على الثورة تعتيم..سكروا قنوات

منعوا الشرفاء يقولوا الحق ..كبتوا حريات

قالوا طوارىء حيلة غبية

دى تمهيد لاحكام عرفية

سكتنا كتير وشربنا المر

بس خلاص نفذ الصبر

احكى عنى وقول يازمان

ده انا اسمى من بنى انسان

اهتف اهتف عللى الصوت

ده اللى بيهتف مش هيموت

بنتى واخويا وابويا وعمى

صاحبى وخالى ناسى واهلى

قلبى ورحى وافديكم بدمى

احكى على وقول يازمان

راجع راجع للميدان

اهتف اهتف عللى الصوت

ده اللى بيهتف مش هيموت

مش هيموت

مش هيموت

احكى على وقول يازمان

واكتب بطولات فرسان شجعان

منهم راح..اصله شهيد.. نام وارتاح

احكى على وقول يازمان

ده انا روحى فدا للاوطان

احكى على وقول يازمان..دمتم فر رعاية الرحمن